2021-ci ilin yanvar-aprel aylarında paytaxtda ticarət dövriyyəsinin həcmi ötən illə müqayisədə 0,8 faiz artıb.
Bu dövrdə Bakıda ticarət dövriyyəsinin həcmi 6 milyard 723,1 milyon manat olub.
Ticarət şəbəkəsində satılmış ərzaq məhsulları, içkilər və tütün məmulatlarının dəyəri əvvəlki ilin müvafiq dövrü ilə müqayisədə 2,2 faiz artıb və 3 milyard 545,7 milyon manata bərabər olub.
Qeyri-ərzaq məhsullarının həcmi isə 0,7 faiz azalaraq 3 milyard 177,4 milyon manat təşkil edib.
İstehlak məhsullarının 38,1 faizi hüquqi şəxs statuslu müəssisələrdə, 45,6 faizi fərdi sahibkarlara məxsus ticarət obyektlərində, 16,3 faizi isə paytaxtın məhsul bazarlarında satılıb.
