Lənkəran rayonunda xuliqanlıq hadisəsi baş verib.
Bu barədə Daxili İşlər Nazirliyinin (DİN) mətbuat xidməti məlumat yayıb.
Lənkəran Şəhər-Rayon Polis Şöbəsinə Boladi kəndi ərazisində kənd sakini S.Bağırovun xuliqanlıq zəminində həmkəndlisi Ş.Nəsirovu ov tüfəngi ilə hədələməsi barədə məlumat daxil olub.
Aparılan profilaktik tədbirlər nəticəsində S.Bağırov müvafiq sənədləri olmayan TOZ-16 markalı ov tüfəngini könüllü olaraq polisə təhvil verib.
