Yüz minlərlə sosial şəbəkə istifadəçiləri “Facebook”, “Instagram”, “Whatsapp” tətbiqlərindən istifadə edə bilmir
“Facebook” və ona məxsus olan “Instagram”, “Whatsapp” sosial şəbəkə tətbiqlərinin fəaliyyətində yaranan problem davam edir.
Dünyanın müxtəlif ölkələrindən olan on minlərlə istifadəçi sözügedən sosial şəbəkə xidmətlərindən məhrum olduqlarını qeyd ediblər.
Məşhur internet resurslarının fəaliyyətini izləyən “Downdetector” xidməti məlumat verir ki, 80 mindən çox “Facebook” istifadəçisi, 70 minə yaxın “Instaqram” və 22 mindən çox “Whatsapp” istifadəçisi sosial şəbəkələrlə bağlı problem yaşadıqlarını bildiriblər.
Hazırda Rusiya, ABŞ, Böyük Britaniya, Braziliya və Küveyt də daxil olmaqla dünyanın müxtəlif ölkələrindən olan sosial şəbəkə istifadəçilər xidmətlərin işində yaranan problemlərdən şikayətlənirlər.
Mənbə: “Forbes”
***
Rusiya, Ukrayna, Almaniya və bir sıra digər Avropa ölkələrindən olan istifadəçlər də sosial şəbəkələrlə bağlı problem yaşadıqlarını bildiriblər.
İstifadəçilərin 58%-i tətbiqlərə girişlə, 24% -i mesaj göndərməklə, 19%-i əlaqənin kəsilməsi ilə əlaqədar problemlərlə üzləşdiyini bildirir.
Mənbə: Lenta.ru
20:04
Azərbaycanda sosial şəbəkələrin işində problem yaranıb.
İstifadəçilər “Facebook”, “Instaqram” sosial şəbəkələrinə giriş edə, “Whatsap” tətbiqindən istifadə edə bilmirlər.
Problemin səbəbi hələlik məlum deyil.
