Belçika hökuməti koronavirusla mübarizə tədbirlərini sərtləşdirib və bütün ölkədə restoranlara, əyləncə və idman obyektlərinə daxil olmaq üçün “QR-kod” təqdim etmək mütləqdir.
Bu barədə məlumatı mətbuat konfransında Belçikanın Baş naziri Aleksandr De Kroo açıqlayıb.
“Biz yoluxmaların sayında kəskin artım müşahidə edirik, son bir həftə ərzində onların sayı 70 fazi artıb. Vaksinasiya prosesini aparmasaydıq, xəstəxanalarımızda vəziyyət fəlakətli olardı. Bu şəraitdə federal səviyyədə antikovid tədbirlərini gücləndirmək lazımdır”, – deyə Belçikanın Baş naziri vurğulayıb.
Rəsmi məlumata görə, Belçikada 18 yaşdan yuxarı vətəndaşların 74 faizi artıq iki doza peyvəndi qəbul edib.
