ABŞ-nin elektrikli avtomobil istehsalçısı “Tesla” xəbərdarlıq işıqlarının kiçik şrift ölçüsünə görə 2,2 milyon avtomobilini geri çağırır.
Bu barədə Milli Yol Hərəkəti Təhlükəsizliyi İdarəsi (NHTSA – National Highway Traffc Safety Administration) məlumat yayıb.
“Kiçik şrift ölçüləri olan xəbərdarlıq göstəriciləri alətlər panelindəki mühüm təhlükəsizlik məlumatlarının oxunmasını çətinləşdirə bilər və bu qəza riskini artırır”, – deyə NHTSA bildirib.
Qeyd olunur ki, bu ən böyük geri çağırılma olacaq və Model S, Model X və Model Y daxil olmaqla 2012-ci ildən istehsal edilən avtomobillərinə təsir edəcək.
Model 3 (2017-2023) və “Cybertruck” 2024 də geri çağırılacaq.
“Tesla” problemi həll etmək üçün pulsuz proqram təminatı yeniləməsini buraxmağa başlayıb.
