64 yaşlı milyonçu “Rolex” saatını oğurlamış oğrunu San-Paulu (Braziliya) küçələrində qovalayıb. Qaçdı-tutdu zamanı kişi 300.000 funt-sterlinq (təxminən 15 milyon UAH) dəyərində “Lamborghini” idman avtomobilini qəzaya uğradıb.
Milyoner sürücü “Rolex” oğrusunu yaxalamaq üçün “Lamborghini” markalı idman avtomobilini qurban verib.
Oğurluq qurbanı “Honda Twister” motosikleti sürən oğrunu tutaraq yerə yıxıb.
Lakin bayker milyonerin ümidsizcəsinə geri qaytarmağa çalışdığı saatı özü ilə götürərək qaçmağı bacarıb.
Yayımlanan kadrlarda avtomobilin kapotundan tüstü çıxdığını, dirəyin yuxarı yarısının çırpılaraq yarıya bölündüyünü görmək olar. Bu zaman motosiklet zibil yığınının içinə yuvarlanır, sürücü oradan çıxıb yolun əks tərəfinə qaçır.
Milyonçu isə maşından çox gec düşərək, naəlac saatın arxasınca baxır.
Yerli media polisin artıq motosikletin bütöv qalan nömrəsinə əsasən cinayətkarı müəyyən etdiyini bildirir. Hadisə yerindən onun oğurluq törətdiyi zaman istifadə etdiyi mobil telefon və tapança da tapılıb.
Qəza zamanı əlində kiçik kəsiklər qalsa da, heç bir xəsarət almayan “Lamborghini” sürücüsü:
“Oğurda silah olduğu üçün saatımı verməli oldum”- deyib.
Hadisə ilə bağlı ətraflı məlumat isə polis əməkdaşları tərəfindən istintaq aparıldıqda ortaya çıxacaq.
//sfera.az
