Çindəki müxtəlif onlayn mağazalar iPhone 15 seriyasının bəzi modellərində qiymətləri aşağı salır.
“Apple”ın bu qərarına bu yaxınlarda yeni “Pura 70” seriyasını buraxa “Huawei”in səbəb olduğu göstərilir. “Huawei Pura 70” Çində “iPhone 15”in ciddi rəqibinə çevrilib.
Çində endirim müddəti 28 may 2024-cü ilə qədər davam edəcək. Hazırda onlayn pərakəndə satıcılar 1TB iPhone “15 Pro Max”a 2300 yuana (318 dollar) qədər endirimlər təklif edir, 128 GB “iPhone 15”ə endirim isə 1400 yuan və ya 193 dollardır. Bölgədə artan rəqabət ABŞ istehsalçısını bu ilin yanvar ayından qiymətləri aşağı salmağa məcbur etdiyinə görə, bu, “Apple”ın Çində iPhone smartfonlarına ilk endirimi deyil.
“Apple”ın 2024-cü ilin 2-ci rübü hesabatına görə, şirkət 90,75 milyard dollar qazanıb. Statista analitiklərinin hesablamalarına görə, təkcə Çin 16,37 milyard dollar gəlir əldə edib ki, bu da ümumi gəlirin 18%-ni təşkil edir. “Apple”ın uğuru bu bölgə ilə sıx bağlıdır və iPhone satışlarının azalması ilə tələbi canlandırmaq üçün endirimlər təklif etmək məntiqlidir.
2024-cü ildə “Huawei”in 10 milyon ədəd “Pura 70” tədarük edəcəyi gözlənilir. Çin nəhəngi öz ərazisində itirilmiş mövqelərini bərpa etməyi planlaşdırır. Şirkət həmçinin sıfırdan işlənib hazırlanmış xüsusi əməliyyat sistemi olan “HarmonyOS Next”i təqdim etməyi planlaşdırır. “Huawei” “Google” məhsullarından tamamilə imtina etmək niyyətindədir.
Analitiklərin fikrincə, “Huawei”nin ambisiyalarını nəzərə alaraq, “Apple” “iPhone 16” xəttini indiyə qədər ən yaxşı hala gətirməyə hazır olmalıdır, çünki iPhone 15-də endirimlər belə çətin ki, Çin bazarındakı mövqeyini qoruyub saxlasın.
//sfera.az
