İspaniyanın “Real” (Madrid) klubunun yeni transferi Kilian Mbappenin təqdimat mərasiminə 100 mindən çox azarkeşin gəlməsi gözlənilir.
Bu barədə “Madrid Xtra” məlumat yayıb.
“Bununla belə “kral klubu”nun ev oyunlarını keçirdiyi “Santyaqo Bernabeu” 85 min azarkeş tutumuna malikdir. Bu isə Madrid təmsilçisinin daha geniş yerə ehtiyacı olması anlamına gəlir.
25 yaşlı forvardın təqdimat mərasimi iyulun 16-da “Santyaqo Bernabeu”da baş tutacaq.
Qeyd edək ki, iyunun əvvəlində İspaniya klubu K.Mbappe ilə 5 illik müqavilə imzaladığını açıqlamışdı. Fransalı futbolçu “Real”a PSJ klubundan azad agent kimi keçib.
