“Los Anceles Leykers”in oyunçusu Lebron Ceyms Milli Basketbol Assosiasiyasında (NBA) yeni uğura imza atıb.
39 yaşlı idmançı NBA tarixində 15000-dən çox məhsuldar atış edən ikinci basketbolçudur.
O, buna “Yuta”ya qalib gəldikləri (105:104) müntəzəm mövsümün qarşılaşmasında nail olub.
Təcrübəli oyunçu həmin görüşdə 27 xalla yadda qalıb.
Hazırda mütləq rekord Karim Abdul-Cabbara məxsusdur. Keçmiş basketbolçunun NBA-da 15837 cəhdi uğurlu alınıb.
