Median.Az xəbər verir ki, Sabirabad RPŞ və Qaragüney polis bölməsinin əməkdaşları tərəfindən Rüstəmli kənd sakini Xəyyam Nağıyev saxlanılıb. Ona məxsus həyətyanı sahədən kultivasiya yolu ilə yetişdirilmiş 10 ədəd çətənə kolu və 3 kq. yaxın marixuana aşkar edilərək götürülüb.
Bundan başqa, Şabran RPŞ-nin əməkdaşları şəhər sakini Məcid Zeynalova məxsus həyətyanı sahədən 3 ədəd çətənə kolu, yaşadığı evin zirzəmisinə baxış zamanı 269,301 qram marixuana aşkar ediblər, Quba RPŞ-nin əməkdaşları tərəfindən şəhər sakini, əvvəllər məhkum olunmuş Ülvi Fərzəliyevdən 410 qram marixuana götürülüb, Hacıqabul RPŞ-nin əməkdaşları tərəfindən Rəncbər kənd sakini, əvvəllər məhkum olunmuş Rakif Abbasovdan 0,063 qram heroin götürülüb. Araşdırma zamanı, ona narkotik vasitəni satmış şəxsin
Şirvan şəhər sakini Həmid Soltanov olması müəyyən edilib və keçirilmiş tədbir nəticəsində saxlanılıb. Üzərinə baxış zamanı elektron tərəzi və 9,291 qram, yaşadığı evdən isə əlavə olaraq 21,886 qram heroin, 1 ədəd beşbarmaq və 2 ədəd bıçaq aşkar edilərək götürülüb.
Faktlarla bağlı cinayət işləri başlanılıb.
