Şirvan şəhərində Müdafiə Sənayesi Nazirliyinə məxsus zavodda baş vermiş yanğın nəticəsində xəsarət alan iki nəfər Bakıya gətirilib.
Xəsarət alanlar Respublika Yanıq Mərkəzinə yerləşdirilib.
Mərkəzin baş həkimi Şöhrət Məmmədov məlumatı Oxu.Az-a təsdiq edib.
Onun sözlərinə görə, xəstələrin vəziyyəti stabil ağır olaraq qalır:
“Reanimasiya şöbəsində müalicə alırlar. Hər iki ətrafın, üz və əllərinin, kürək nayihəsinin üçüncü və dördüncü dərəcəli yanıq xəsarətləri ilə Respublika Yanıq Mərkəzinin reanimasiya şöbəsinə yerləşdirilənlər Şirvan şəhər sakinləri, 1972-ci il təvəllüdlü İsmayılov Sabit Əlisultan oğlu və 1976-cı il təvəllüdlü Xəlilov Vaqif Valeh oğludur. ”.
Baş həkim deyib ki, xəstələrdən birinin bədən səthinin 45, digərinin isə 25 faizi yanıb”.//oxu.az
