Hava ilə əlaqədar olaraq məktəblərdə dərs proqramları növbəti həftələrdə kompensasiya ediləcək.
Bu sözləri oxu.az-a təhsil nazirinin müavini İdris İsayev deyib.
Onun sözlərinə görə, paytaxtda kəskin hava dəyişikliyi ilə bağlı iki gün təhsil müəssisələrinin fəaliyyəti dayandırılmışdı:
“Şagird və tələbələrin iki gün proqramdan geri qalmaları nəzərə alınacaq. Bu, dövlət tərəfindən verilən sərəncam olduğu üçün bütün qurumlar müvafiq təlimatlara uyğun addım atıblar. Keçirilməyən dərslər gələn həftənin dərs cədvəlinə əlavə edilərək kompensasiya ediləcək. İki gün tədris prosesinin dayanması şagirdlərin qış tətili üçün hesablanan günlərinə heç bir təsir göstərməyəcək”.
