Bakı Ağır Cinayətlər Məhkəməsində Bakı şəhər sakini Cəmil İslamovun CM-nin 120.2.2-ci (xuliqanlıq niyyəti ilə adamöldürmə) maddəsi ilə təqsirləndirilməsinə dair cinayət işi üzrə məhkəmə prosesi başa çatıb.
Median.Az xəbər verir ki, qətl ötən il fevralın 25-də Ələt qəsəbəsində baş verib. Qəsəbədə yaşayan Cəmil İslamov ailə münaqişəsi zəminində anası Zərnişan İslamovanı döyüb, nəticədə ağır bədən xəsarətləri ilə xəstəxanaya yerləşdirilmiş qadın səhərisi gün orada ölüb. Həmin gün şübhəli şəxs Qaradağ RPİ 11-ci polis bölməsinin əməkdaşları tərəfindən saxlanılıb və istintaqa təhvil verilib.
Məhkəmənin hökmü ilə təqsirləndirilən şəxs 17 il müddətinə azadlıqdan məhrumetmə cəzasına məhkum olunub.
