Median.Az xəbər verir ki, Sumqayıt ŞPİ 1-ci polis bölməsi əməkdaşlarının keçirdikləri əməliyyat-axtarış tədbirləri nəticəsində, şəhər ərazisindəki 3 evdən pul, gümüş və məişət əşyaları oğurlayan, habelə Ə.Paşayevə qarşı dələduzluq edən şəhər sakini, əvvəllər məhkum olunmuş M.Orucov saxlanılıb.
Bundan başqa, Sumqayıt ŞPİ 3-cü polis bölməsinin əməkdaşları tərəfindən şəhər sakinləri R.Məmmədovun mobil telefonunu və E.Seyidovun 78 manat pulunu oğurlayan, habelə A.İbayevə və F.Əliyevə qarşı dələduzluq edən şəhər sakini H.Hacıyev saxlanılıb.
Sumqayıt ŞPİ 3-cü polis bölməsinin əməkdaşları tərəfindən şəhər ərazisində 2 avtomobildən pul və geyim əşyaları, habelə şəhər sakini G.Cavadlının 55 manat pulunu oğurlayan şəhər sakini R.Rəhimov saxlanılıb.
Faktlarla bağlı cinayət işləri başlanılıb, istintaq aparılır.
