Median.Az xəbər verir ki, Sabunçu RPİ 14-cü polis bölməsi əməkdaşlarının keçirdikləri əməliyyat-axtarış tədbirləri nəticəsində, bu ilin yanvar ayında Bakı şəhər sakini X.Xudiyevi aldadıb 1800 manat pulunu alan paytaxt sakini F.Zeynalov və Abşeron rayon sakini Ş.Həmidov saxlanılıblar.
Bundan başqa, martın 19-da Balaxanı qəsəbəsində, şəxsiyyəti məlum olmayan 2 nəfər Bakı şəhər sakini E.İbişovu aldadıb 150 manat pulunu alıblar. Sabunçu RPİ 12-ci polis şöbəsi əməkdaşlarının əməliyyat-axtarış tədbirləri nəticəsində paytaxt sakinləri, əvvəllər məhkum olunmuş X.Hüseynov və V.Atababayev saxlanılıblar.
Faktlarla bağlı CM-nin 178-ci (dələduzluq) maddəsi ilə istintaq aparılır.
