“JARA” beynəlxalq musiqi festivalı bu il mayın 3-də ilk dəfə Birləşmiş Ərəb Əmirliklərinin Dubay şəhərində keçiriləcək.
Bu barədə festivalın “Instagram” səhifəsində xəbər paylaşılıb.
Festivalda Emin Ağalarov, Qriqori Leps, Leonid Aqutin, Valeriya, Yulianna Karaulova, Olqa Buzova, Albina Canabayeva, “Vremya i Steklo”, “Artik & Asti” və digər qruplar çıxış edəcək.
Xatırladaq ki, bu il iyulun 25, 26, 27, 28-də Bakıda dördüncü “JARA” beynəlxalq musiqi festivalı keçiriləcək. Festivalın təşkilatçıları Azərbaycanın xalq artisti Emin Ağalarov, Rusiyanın əməkdar artisti Qriqori Leps, “Russkoe radio” və “Zolotoy qrammofon” mükafatının təsisçisi Sergey Kojevnikovdur.
