Median.Az xəbər verir ki, Nəsimi RPİ 22-ci polis şöbəsi əməkdaşlarının keçirdikləri əməliyyat-axtarış tədbirləri nəticəsində martın 30-da “Hyundai” markalı avtomobildən, içərisində geyim və kosmetik əşyalar olan çanta oğurlayan Mingəçevir şəhər sakini, əvvəllər məhkum olunmuş Z.Quliyev saxlanılıb.
Bundan başqa, Binəqədi RPİ 4-cü polis şöbəsi əməkdaşlarının keçirdikləri əməliyyat-axtarış tədbirləri nəticəsində martın 23- və 25-də rayon ərazisində 2 avtomobildən akkumulyator oğurlayan əvvəllər məhkum olunmuşlar, Bakı şəhər sakini N.Dadaşov və Naxçıvan şəhər sakini E.Məmmədov saxlanılıblar.
Xətai RPİ 36-cı polis bölməsi əməkdaşlarının keçirdikləri əməliyyat-axtarış tədbirləri nəticəsində martın 27-də “Tofaş” markalı avtomobildən maqnitofon və səsgücləndirici oğurlayan Bakı şəhər sakini, əvvəllər məhkum olunmuş R.Ələkbərov saxlanılıb.
Faktlarla bağlı cinayət işləri başlanılıb.
