Bakı Dövlət Universitetinin (BDU) rektoru Elçin Babayevin Beynəlxalq əlaqələr üzrə müşaviri Çingiz İsmayılovu vəzifəsindən azad etməsi ilə bağlı məlumat yayılıb.
BDU-nun Mətbuat və informasiya şöbəsindən oxu.az-a verilən məlumata görə, Ç.İsmayılov öz ərizəsi ilə rektorun müşaviri vəzifəsindən azad edilib.
O, Coğrafiya fakültəsinin İqtisadi və sosial coğrafiya kafedrasında daxili əvəzçiliklə yarımştat professor vəzifəsində qalmaqla, seçki keçirilənədək Azərbaycan coğrafiyası və coğrafiyanın tədrisi metodikası kafedrasının müdiri vəzifəsinə təyin edilib.
