Günel İsmayılovanın 10 aylıq qızını öldürməsinə ailəsindəki problemlər səbəb olub.
Bu barədə oxu.az-ın bölgə müxbirinə yerli sakinlər məlumat verib.
Onların sözlərinə görə, 27 yaşlı G.İsmayılova bir müddət əvvəl ikinci dəfə ailə həyatı qurub.
Yeni qurulan ailədə tez-tez münaqişələr baş verib. Boşanmaq ərəfəsində olan qadın övladını boğaraq öldürüb.
* * * * *
Ağdamda ana körpə qızını qətlə yetirib.
ONA-nın xəbərinə görə, rayonun Qərvənd kəndində məskunlaşan 1992-ci il təvəllüdlü İsmayılova Günel Şahsevər qızı ailə münaqişəsi zəminində on aylıq körpə qızını boğaraq öldürüb.
Hadisə yerinə hüquq-mühafizə orqanlarının əməkdaşları cəlb olunub.
G.İsmayılova saxlanılaraq Polis Şöbəsinə aparılıb. Hadisənin təfərrüatı araşdırılır.
