Rusiyanın Sankt-Peterburq şəhərinin Buxarest küçəsində dəhşətli yol-nəqliyyat hadisəsi baş verib.
Fontanka.ru xəbər verir ki, hadisə zamanı “Chevrolet Aveo” markalı avtomobil “İveko” markalı mikroavtobusla toqquşub.
Qəza nəticəsində altı nəfər yaralanıb. Yaralılar dərhal xəstəxanaya çatdırılsa da, onlardan birinin həyatını xilas etmək mümkün olmayıb.
Qəzanın 17 yaşlı azərbaycanlı tərəfindən törədildiyi bildirilib.
