Bayram günlərində Bakı şəhər Təcili və Təxirəsalınmaz Tibbi Yardım Stansiyasına müxtəlif şikayətlərlə 4754 nəfər müraciət edib.
Səhiyyə Nazirliyindən oxu.az-a verilən məlumata görə, paytaxt ərazisində dekabr ayının 31-i xəstəxanalara 2356, yanvar ayının 1-i isə 2398 nəfər müraciət edib:
“Müraciət edən şəxslərdən 647 nəfəri azyaşlı uşaqlar olub. Beş nəfər fişəng və pirotexniki vasitələrdən ziyan çəkib, onlardan ikisi yanıq, üçü əlin müxtəlif travması alıb. Daha üç nəfər qida zəhərlənməsi ilə qeydiyyata alınıb. Ümumi müraciət edən şəxslərdən azyaşlılar istisna olmaqla, digərləri yetkinlik yaşına çatmış şəxslərdir”.
