Median.Az xəbər verir ki, Cəlilabad şəhər sakini D.Cəfərli 79 qrama yaxın narkotik vasitə olan tiryəki şərti alıcıya satarkən RPŞ-nin əməkdaşları tərəfindən tutulub.
Araşdırma zamanı onun, narkotiki əldə etdiyi mənbə müəyyən edilib. Keçirilmiş əməliyyat-axtarış tədbirləri nəticəsində narkotik vasitəni D.Cəfərliyə satan həmyerlisi Ş.Novruzov saxlanılıb. Onun yaşadığı evdən 6,1 kq. tiryək, 2 kq. 158 qram heroin, 174 qramdan çox həşiş və 42 qram metamfetamin aşkar edilib.
Bundan başqa, Lənkəran ŞRPŞ əməkdaşları məlumat əsasında şəhər sakini, əvvəllər məhkum olunmuş A.Babayevin evində 612 qrama yaxın heroin aşkar ediblər.
Faktlarla bağlı CM-nin 234.4.3-cü (qanunsuz olaraq narkotik vasitələri satış məqsədi ilə külli miqdarda əldə etmə və saxlama) maddəsi ilə cinayət işi başlanılıb.
