Bakıda işgəncə verməkdə təqsirləndirilən polis əməkdaşının cinayət işi üzrə məhkəmə başlayır.
Cinayət işi hakim İradə Həsənzadənin sədrliyi ilə araşdırılacaq.
Məhkəmənin hazırlıq iclası fevralın 25-nə təyin edilib.
Qeyd edək ki, Əliqulu Ağalıyev Qaradağ Rayon Polis İdarəsinin bölmələrinin birində polis vəzifəsində işləyib.
Onun barəsində Cinayət Məcəlləsinin 293.2-ci (işgəncə, işgəncə hesab olunmayan qəddar, qeyri-insani, xidməti vəzifələrini yerinə yetirməsi ilə əlaqədar dövlət orqanının vəzifəli şəxsi və ya bu qisimdə çıxış edən digər şəxs tərəfindən, yaxud onun təhriki və ya razılığı ilə, yaxud o xəbərdar olduğu halda başqa şəxslər tərəfindən işgəncə vermə) maddəsi ilə ittiham irəli sürülüb.
/oxu.az