Median.Az xəbər verir ki, Səbail RPİ-nin 9-cu polis bölməsinə müraciət edən Bakı şəhər sakini R.Səmədov Ə.Əliyev küçəsində yerləşən dayanacaqdan “Mitsubishi” markalı avtomobilinin qaçırıldığını bildirib.
Keçirilmiş əməliyyat-axtarış tədbirləri nəticəsində nəqliyyat vasitəsini qaçıran, həmin dayanacaqda gözətçi işləyən paytaxt sakini M.Məmmədov
polis əməkdaşları tərəfindən Suraxanı rayon ərazisində avtomobillə birgə saxlanılıb.
Bundan başqa, Aprelin 8-də Binəqədi RPİ-nin 5-ci polis bölməsinə müraciət edən Bakı şəhər sakini R.Əliyev Ə.Naxçıvani küçəsində yerləşən avtoservisdən “Mercedes” markalı avtomobilinin qaçırıldığını bildirib.
5-ci polis bölməsi və Nizami RPİ 24-cü polis şöbəsi əməkdaşlarının birgə keçirdikləri əməliyyat-axtarış tədbirləri nəticəsində nəqliyyat vasitəsini qaçıran paytaxt sakini Mübariz Abdullayev həmin avtomobillə birgə Q.Qarayev prospektində saxlanılıb.
Faktlarla bağlı araşdırmalar aparılır.
Leave a Reply