Bakıda avtomobilin vurduğu piyada dünyasını dəyişib.
Median.Az-ın oxu.az-a istinadən məlumatına görə, hadisə paytaxtın Ziya Bünyadov 2096 ünvanında baş verib.
Belə ki, Bakı şəhər sakini 1989-cu il təvəllüdlü Kərimov Asif Məmməd oğlu idarə etdiyi “Toyoto Corolla” markalı 99 GR 374 nömrə nişanlı avtomobillə, piyada 1956-cı il təvəllüdlü şəhər sakini Binnətəliyeva Sona Musa qızını vurub.
Piyada təcili Respublika Xəstəxanasına yerləşdirilib. Lakin o, aldığı ağır xəsarətlərdən xəstəxanada dünyasını dəyişib.
Faktla bağlı araşdırma aparılır.
