Bakıda kommunal xidmət avtomobilinin sərnişin avtobusuna çırpılması nəticəsində 27 nəfər xəsarət alıb.
Üç saylı Şəhər klinik Xəstəxanasının baş həkimi Fikrət Zeynalov bildirib ki, qəzadan sonra xəstəxanaya 27 yaralı gətirilib.
Onun sözlərinə görə, xəsarət alanlardan 3-ü uşaqlar, 24-ü böyüklərdir. Xəsarət alanlardan 17-i (uşaqlar da daxil olmaqla-red) evə buraxılıb. Hazırda xəstəxanada 10 nəfər müalicə edilir.
Qeyd edək ki, şəhər istiqamətində hərəkət edən kommunal xidmət avtomobili arxadan Bilgəh qəsəbəsi – “Koroğlu” metrostansiyası istiqamətində hərəkət edən, 10-TG-909 Dövlət qeydiyyat nişanlı 171 saylı sərnişin avtobusuna çırpılıb.
Yaralılar 3 saylı şəhər Klinik Xəstəxanasına yerləşdirilib.//report.az
21:08
Hava limanı yolunda zənrivari qəza baş verib.
Median.Az-ın yenicag.az-a istinadən verdiyi məlumata görə, şəhər istiqamətində hərəkət edən avtobus idarə etməni itirib, yoldan çıxaraq dirəyə çırpılıb. Ardınca isə 3 minik avtomobili bir-biri ilə toqquşub.
Hadisə yerinə çoxlu sayda polis əməkdaşları, təcili tibbi yardım və yanğın söndürənlər cəlb olunub.
Son məlumatlara görə, hadisə nəticəsində avtobusda olan sərnişinlərdən 24 nəfəri xəsarət alıb.
19:25
Bakıda sərnişin avtobusu qəzaya uğrayıb.
Median.Az report-a istinadən xəbər verir ki, hadisə aeroport yolunda, “Buta Palace” yaxınlığında qeydə alınıb.
Belə ki, Bilgəh qəsəbəsi – “Koroğlu” metrostansiyası istiqamətində hərəkət edən 171 saylı sərnişin avtobusu zibil daşyan avtomobillə toqquşub. Hadisə nəticəsində avtobusun azı 10 sərnişini xəsarət alıb. Yaralılar 3 saylı şəhər Klinik Xəstəxanasına yerləşdirilib.
Qeyd edək ki, daha əvvəl də 171 saylı sərnişin avtobusu “Mercedes”lə toqquşub .