“Zara”, “Bershka”, “Pull & Bear” və “Stradivarius” geyim mağazaları Rusiya bazarına qayıtmağa hazırlaşırlar.
Bu barədə “Mash” “Telegram” kanalı bir neçə mənbəyə istinadən yazıb.
Məlumata görə, geri dönüş artıq aktiv şəkildə müzakirə olunur.
Şirkət nümayəndələri bazarda vəziyyəti araşdırır, arxivi və sənədləri aradan çıxarırlar. Bu, ona görə edilir ki, vəziyyət dəyişəcəyi halda, operativ şəkildə Rusiyaya qayıtmaq mümkün olsun.
Üstəlik, onlar Rusiya bazarını tərk etməmişdən əvvəl ticarət mərkəzlərində mağazalarının olduğu həmin əraziləri yenidən tutmaq istəyirlər.
Xatırladaq ki, “Zara”, “Zara Home”, “Massimo Dutti”, “Bershka”, “Oysho”, “Pull & Bear”, “Stradivarius”, “Uterqüe” brendləri İspaniyanın “Inditex” qrupuna daxildir.
2022-ci ilin mart ayında şirkət Rusiyadakı bütün mağazaların bağlandığını və onlayn ticarətin dayandırıldığını elan etmişdi.
