Altıağac Milli Parkında külli miqdarda qanunsuz ağac kəsilməsi faktı aşkarlanıb.
Oxu.Az-a bu barədə Xızı Rayon Polis Şöbəsindən məlumat verilib.
Bildirilib ki, Xızı Rayon Polis Şöbəsinə Altıağac Milli Parkında ağacların qanunsuz kəsilməsi ilə bağlı daxil olan məlumat əsasında araşdırma aparılıb.
Aparılan araşdırmalar zamanı fakt öz təsdiqini tapıb.
Şöbədən verilən məlumata görə, faktla əlaqəli Xızı Rayon Polis Şöbəsində Cinayət Məcəlləsinin 259.2.4-cü (qanunsuz ağac kəsmə, külli miqdarda törədildikdə) maddəsilə cinayət işi başlanıb.
Cinayət işinin istintaqı zamanı milli parkın direktoru Elbrus Əliyev və onun müavini Ədalət Ələkbərovun korrupsiya faktları da ortaya çıxıb.
Adı çəkilən şəxslərin korrupsiya faktları cinayət işinin araşdırılması zamanı təsdiqini tapıb.
