Nizami rayonu, Naxçıvanski 64 ünvanında yerləşən “Quba Kafe”sinin kiçik sahibkarı Mətanət Məmmədova çalışdığı kafenin yaxınlığında yerləşən 24-cü polis bölməsindən narazıdır.
Bizimyol.info-ya müraciət edən Mətanət Məmmədova iddia edir ki, onun obyektindən ümumilikdə 5 dəfə oğurluq edilsə də, hətta oğruların kimliyi barədə 24-cü polis bölməsinə, 102 qaynar xəttinə müraciət etsə də onun müraciətlərinə baxılmayıb, bir neçə dəfə izahatı alınsa da oğurluqda şübhələndiyi şəxslər məsuliyyətə cəlb edilməyib.
Mətanət Məmmədova qeyd edir ki, daha yüksək instansiyalara rəsmi-yazılı müraciət etsə də onun müraciətlərinə heç bir cavab gəlməyibi, onun müraciətləri yerli-24-cü polis bölməsinə yönləndirilir, orada isə anoloji qaydada izahatı alınaraq işə laqeyid yanaşılır.
Səsləndirilən iddialarla bağlı Azərbaycan Respublikası, DİN-in Mətbuat Xidmətinin rəisi, polis polkovniki Ehsan Zahidovla əlaqə saxlasaq da, zəngimizə cavab verilməyib.
Vətəndaş Mətanət Məmmədovanın şikayətini oxucularımıza təqdim edirik:
