Abşeron rayonunda oğul atasını küçədə döyüb.
Hadisə rayonun Xırdalan şəhərində baş verib. Xırdalan ərazisindəki fərdi yaşayış evlərindən birində yaşayan 1997-ci il təvəllüdlü Famil Xasıyev (ad və soyad şərtidir) həyat yoldaşı ilə dalaşıb və buna görə bir neçə gün evinə gəlməyib, tanışının evində qalıb. Bunu eşidən Familin atası məsələni araşdırmaq üçün onun yaşadığı evə gəlib. O, yolda Famillə rastlaşıb və həyat yoldaşı ilə barışmasını, evə qayıtmasını tələb edib. Famil evə qayıtmayacağını israrla bildirib və bu zaman ata-oğul arasında mübahisə yaranıb. Mübahisə nəticəsində Famil atasını yumruq və təpik zərbələri ilə döyüb. Hadisə nəticəsində ata müxtəlif dərəcəli bədən xəsarətləri alıb, burnu sınıb.
Hadisə yerinə polis əməkdaşları gəlib və Famil Xasıyev saxlanılıb.
Faktla bağlı cinayət işi başlanılıb və iş məhkəməyə göndərilib. Abşeron Rayon Məhkəməsində keçirilən prosesdə ata ilə oğul barışdığı üçün cinayət işinə xitam verilib.
//oxu.az